Taılandqa demalýǵa barǵan bir top qazaqstandyq Almatyǵa jete almaı otyr - BAQ
ASTANA. 28 naýryz. QazAqparat - Taılandqa demalýǵa barǵan bir top qazaqstandyq ushaqtaǵy tehnıkalyq aqaýǵa baılanysty Bangkoktan Almatyǵa jete almaı otyr,
dep habarlaıdy «Ekspress K» Facebook jelisine silteme jasap.
25 naýryz kúni KS-933 reısi Bangkokqa qonǵannan keıin ushaq ekıpajy Boeing 757-200 laınerindegi gıdrojúıeleriniń birinde suıyqtyq deńgeıiniń tómendegenin habarlaǵan. 168 jolaýshynyń qaýipsizdigin qamtamasyz etý maqsatynda atalmysh aqaýdy joıý jumystaryn júrgizý sheshimi qabyldanyp, Bangkok-Almaty reısi keıinge qaldyryldy, dep málim etti áýe kompanııasynan.
Injenerler ushaqty qysqa ýaqyttyń ishinde qaıta paıdalanýǵa berý úshin bar kúshterin salýda. Barlyq qajetti materıaldar, qosalqy bólshekter men qural-jabdyqtar jiberildi. Sonymen qatar Londonnan Bangkokqa qosymsha qajetti saımandar attandyryldy, dep jazady basylym óz materıalynda (avtory - N.Terenteva).
