Taıland úkimeti bosatqan Il-76 ushaǵynyń ekıpaj músheleri Almatyda keldi

dep habarlady Bas prokýratýranyń baspasóz qyzmetinen.

Vedomstvonyń baspasóz qyzmeti taratyp otyrǵan habarlamada: «2010 jyly aqpannyń 11-inde Taıland Koroldiginiń Soty Taıland Bas prokýrorynyń usynysymen, qarý-jaraq tasymaldaýǵa qatysty bar degen aıyptaý boıynsha 2009 jyly jeltoqsannyń 11-inde ustalǵan Il-76 ushaǵy ekıpajynyń músheleri: Qazaqstan azamattary I.I.Ysqaqov, V.S.Shýmkov, V.N.Abdýllaev, A.A.Zrybnevke jáne Belarýs azamaty S.Petýhovqa qatysty sot óndirisin aıaqtaý týraly qaýly qabyldady», - delingen.

Aqpannyń 12-sinde Taıland ókimeti Il-76 ushaǵy ekıpajynyń múshelerin - Qazaqstan jáne Belarýs azamattaryn qamaýdan bosatty. Olar búgin, aqpannyń 13-i kúni Almaty qalasynyń áýejaıyna kelip qondy.

Qazaqstandyq arnaıy qyzmetter ekıpaj músheleriniń ózderi tasymaldaǵan júktiń sıpaty jaıly habardar bolǵan-bolmaǵany jaıly olardan jaýap alatyn bolady. Júrgizilgen tekserýlerdiń nátıjeleri týraly keıinnen Taıland tarapy habardar etiledi, dep habarlady Bas prokýratýranyń baspasóz qyzmetinen.