Taıland tarapynan vızany toqtatýǵa qatysty resmı aqparat kelip túspedi - Aıbek Smadııarov

NUR-SULTAN. QazAqparat - QR Syrtqy ister mınıstrliginiń resmı ókili Aıbek Smadııarov Taıland qazaqstandyqtardyń kelip-ketýine shekteý qoımaǵanyn aıtty, dep habarlaıdy QazAqparat.

«Qazaqstandyq birqatar BAQ-ta Taıland bıligi koronavırýstyń taralýynan 18 el, sonyń ishinde Qazaqstan azamattarynyń elge kirý tártibin qatańdatty degen aqparat jarııalandy. Osyǵan qatysty taı tarapynan resmı aqparat kelip túspegenin habarlaımyn. Bizdiń Bangkoktaǵy elshiligimiz Taıland Syrtqy ister mınıstrligimen baılanysyp, bul másele taı quzyretti organdarynyń qaraýynda jatqanyn jáne atalmysh ereje kúshine enbegenin anyqtady», - málim etti Aıbek Smadııarov.

Onyń aıtýynsha, qandaı da bir aqparat shyqqan jaǵdaıda qazaqstandyq dıplomattarǵa aldyn ala habarlanady.

Eske sala keteıik, búgin Reuters agenttigi Taılandtyń 18 memleket, onyń ishinde Qazaqstan azamattarynyń elge kirýine shekteý qoıǵanyn habarlaǵan bolatyn.