Taıland premer-mınıstri Bangkokty «tótenshe jaǵdaı aımaǵy» dep jarııalady

ASTANA. KAZINFORM - Taıland premer-mınıstri kórshiles Mıanmada bolǵan kúshti jer silkinisinen keıin Bangkokta tótenshe jaǵdaı jarııalady, dep habarlaıdy CNN.  

Бангкок тұрғындары қатты жер сілкінісіне байланысты эвакуацияланды
Фото: Chutima Lalit/Copyright

«Premer-mınıstr Phethongthan Chınavat Іshki ister mınıstrligine dereý Bangkokta tótenshe jaǵdaı jarııalaýdy jáne búkil eldegi provıntsııalardy jaǵdaıdy ulttyq tótenshe jaǵdaı retinde qaraýdy habarlaýdy tapsyrdy, osylaısha qajet bolǵan jaǵdaıda halyqqa kómek tez arada jetkizilýi múmkin», - delingen premer-mınıstr keńsesiniń málimdemesinde.

Premer-mınıstr dereý Bangkokqa oralyp, azamattardy kópqabatty úılerden aýlaq bolýǵa, tek baspaldaqpen júrýge jáne sabyrly bolýǵa shaqyrdy.

Barlyq memlekettik organdar habardar etilip, mektepterge balalardy erterek úılerine jiberý tapsyryldy.

Úkimet aldaǵy 24 saǵat ishinde taǵy da jerasty dúmpýleri bolýy múmkin ekenin eskertti.

Buǵan deıin Bangkokta kópqabatty úı qulaǵan bolatyn.

 

Сейчас читают