Taıland polıtsııasy Bangkoktaǵy jarylysqa kúdikti adamnyń esimin atady
ASTANA. QazAqparat - Taıland polıtsııasy 17 tamyz kúni el astanasynda 20 adamnyń ómirin qıǵan jarylysqa kináli bolýy múmkin adamnyń esimin atady.
Polıtsııanyń málimetterinshe, ony túrik tólqujatyna ıe Adem Karadag oryndaǵan.
«Polıtsııada kúdiktiniń beınesi birneshe ret jazylǵan beınebaqylaý taspalary, sondaı-aq Karadagtyń óziniń kýágerlik túsiniktemeleri men kináni moıyndaýy bar», - dep málimdedi polıtsııadan.
Karadagty 29 tamyzda, polıtsııanyń shamalaýynsha, jarylysqa qatysy bar adamdar eki bombany qoldan jasalǵan páterde ustady. Bastapqyda tergeý elden ketip úlgermegen Karadagty shabýyl qatysýshysy ǵana dep eseptegen.
17 tamyzda Bangkoktyń ortalyq aýdanyndaǵy Eravan ındýıstik ǵıbadathanasynyń qasynda bolǵan jarylys saldarynan 20 adam, sonyń ishinde toǵyz sheteldik azamat qaza tapty. Taıland polıtsııasy Bangkoktaǵy jarylys etnıkalyq uıǵyrlardyń Qytaıǵa deportatsııalanýyna baılanysty bolýy múmkin dep aıtqan.
