Taıland pen Kambodjanyń arasyndaǵy qaqtyǵys qaıta bastaldy
ASTANA. 29 sáýir. QazAqparat - Juma, 29 sáýir kúni Taıland pen Kambodja áskerleri qarýly qaqtyǵysty qaıta bastady.
Osynyń aldynda ǵana shekara qaqtyǵysy aýdanyndaǵy atys-shabysty toqtatý týraly kelisimge qaramastan jaǵdaı osylaı órbidi. Bul týraly batystyń buqaralyq aqparat quraldary eki eldiń qarýly kúshteriniń ókilderine silteme jasap habarlap otyr.
Atys-shabys daýly aýmaqta ornalasqan Ta Krabı hramynyń mańynda oryn alýda.
Taılandtyń premer-mınıstri Aphısıt Vetchachıva osydan bir kún buryn málimdeme jasap, atys-shabysty is júzinde toqtatý qıynǵa soǵatynan, sebebi kambodjalyq tarap kelissózge shaqyrýmen qatar, «taıland aýmaǵyna oq jaýdyrýdy toqtatar emes».
Eki jaqtyń da talasy bar býddıstik hram Dangrek taýynyń shyńynda, eki eldiń shekarasynda ornalasqan. 1962 jyldan beri aýmaq Kambodjaǵa tıesili, biraq taılyqtar osy onjyldyqtardyń ishinde hram keshenine ıelik etýge tyrysyp keledi.
