Taıland pen Kambodja shekaradaǵy shıelenisti retteý týraly kelisimge keldi

ASTANA. KAZINFORM – Kýala-Lýmpýrdegi kelissózderden keıin Taıland pen Kambodja shekaradaǵy shıelenisti retteý týraly kelisim jasasty. Bul týraly Bangkok úkimeti X áleýmettik jelisinde habarlady. 

Eki jaq atysty toqtatý rejımin saqtaý úshin 13 tarmaqtan turatyn kelisimge kelisti. Sonymen qatar eki eldiń ókilderi shekaralyq aımaqta beıbitshilikti qalpyna keltirýge baǵyttalǵan hattamalarǵa qol qoıdy. 

Mamyr aıynda daýly aýmaqta Kambodja sarbazy qaza tapqan qarýly qaqtyǵystan keıin kórshi elder arasyndaǵy qarym-qatynas kúrt nasharlaǵan bolatyn. 

Eske sala keteıik, budan buryn Kambodja men Taıland shekara máselesin kelesi aptada Malaızııada talqylaıtynyn jazǵan edik.