Taıland pen Kambodja Kýala-Lýmpýrda beıbit kelisimge qol qoıdy

ASTANA. KAZINFORM – Taıland premer-mınıstri Anýthın Chanvırakýn jáne Kambodja úkimetiniń basshysy Hýn Manet AQSh prezıdenti Donald Tramptyń qatysýymen Kýala-Lýmpýrda ótken Ońtústik-Shyǵys Azııa memleketteri qaýymdastyǵy (ASEAN) sammıtiniń aıasynda «beıbit kelisimge» qol qoıdy, dep habarlaıdy TASS.

Buǵan deıin Taıland Syrtqy ister mınıstrligi aqparat jáne baspasóz departamentiniń bas dırektory, resmı ókili Nıkondet Phalangkýn bul qujat tolyqqandy beıbit kelisim emes, eki el arasyndaǵy qaqtyǵysty beıbit jolmen retteýge negiz bolatyn birlesken deklaratsııa ekenin málimdegen.

Kelisim aıasynda Malaızııa jáne ózge de azııalyq memleketter atysty toqtatý rejıminiń saqtalýyn baqylaıtyn baqylaýshylardy jiberedi.

— Azııalyq elderden, sonyń ishinde Malaızııadan keletin baqylaýshylar beıbitshiliktiń turaqty bolýyn qamtamasyz etý úshin ornalastyrylady, — dedi Donald Tramp.

Onyń aıtýynsha, «kópshilik júzege aspaıdy dep sanaǵan beıbit kelisim mıllıondaǵan adamnyń ómirin saqtap qalady».

Sonymen qatar Tramptyń sózine qaraǵanda, kelisim sheńberinde 18 kambodjalyq áskerı tutqyn bosatylady.

Aıta keteıik, keshe Taıland koroliniń anasy qaıtys bolǵany habarlanǵan.