Taıland pen Kambodja atysty toqtatý týraly kelisimge keldi

ASTANA. KAZINFORM — Malaızııa premer-mınıstri Anvar Ibragımniń málimdeýinshe, eki el kóshbasshylarynyń kelissózderinen keıin 28 shilde kúni jergilikti ýaqyt boıynsha saǵat 00:00-de oq atýdy toqtatý týraly kelisim kúshine enedi. Bul týraly DW jazdy.

Sońǵy birneshe kúnde Taıland pen Kambodja shekarasynda qaqtyǵystar jalǵasyp jatyr. Qaqtyǵystyń sebebi – Preahvıhea hram kesheni mańyndaǵy daýly aýmaqqa baılanysty shıelenistiń kúsheıýi. 

Eske salsaq, 24 shildede Taıland pen Kambodja shekarasynda qarýly qaqtyǵys bastaldy. 

Taıland Kambodjamen qaqtyǵys kezinde 14 azamattyń qaza tapqanyn málimdedi.

Sondaı-aq Taıland Kambodjamen shekarada áskerı jaǵdaı engizdi.

26 shildede BAQ urys qımyldarynyń Pattaııa jaǵajaı kýrortyna jaqyndaǵanyn habarlady.

Kambodja men Taıland Malaızııa bastamasymen bitimge kelýi múmkin ekeni aıtyldy.

Keıinnen eki el ókilderi BUU QK shekara qaqtyǵysy jónindegi otyrysyna qatysty.

Buǵan deıin Taıland pen Kambodja basshylary Phýmtham Vechaıachaı men Hýn Manet 24 shildede eki el shekarasynda áskerıler arasyndaǵy qarýly qaqtyǵystardan keıin dúısenbi kúni Malaızııada kelissóz ótkizetini anyqtaldy.