Taıland pen Kambodja 24 jeltoqsanda bitimge qatysty kelissóz ótkizedi

ASTANA. KAZINFORM – Taıland pen Kambodja 24 jeltoqsanda atysty toqtatý jónindegi bitimdi jan-jaqty talqylaıdy. Bul týraly Taılandtyń syrtqy ister mınıstri Sıhasak Phýangketkeo málimdedi, dep habarlaıdy Sınhýa.

Mınıstr bul týraly Ońtústik-Shyǵys Azııa memleketteri qaýymdastyǵyna múshe elderdiń (ASEAN) syrtqy ister mınıstrleriniń Taıland pen Kambodja arasyndaǵy jalǵasyp jatqan qaqtyǵysty retteýge arnalǵan arnaıy kezdesýinen keıin ótken baspasóz brıfınginde aıtty.

Sıhasak Phýangketkeo Taıland tarapynan máselelerdi ekijaqty arnalar arqyly sheshýge úmit bar ekenin atap ótip, atysty toqtatý jónindegi kelissózder Generaldyq shekara komıteti aıasynda júrgiziletinin jetkizdi.

Taıland pen Kambodja arasyndaǵy jaǵdaıǵa arnalǵan ASEAN elderi syrtqy ister mınıstrleriniń arnaıy kezdesýi 21 jeltoqsanda Malaızııa astanasy Kýala-Lýmpýrda ótti.

Buǵan deıin Taılandta Kambodjamen aradaǵy shıelenisken jaǵdaıǵa baılanysty parlament taratylǵany habarlanǵan bolatyn.