Taıland Ózbekstan azamattary úshin vızasyz rejımdi toqtatady
ASTANA. KAZINFORM - 2026 jylǵy 15 qyrkúıekten bastap Ózbekstan azamattary Taılandqa barý úshin aldyn ala kirý vızasyn rásimdeýi qajet, dep habarlaıdy Ózbekstannyń Bangkoktaǵy Bas konsýldyǵy.
2026 jylǵy 15 qyrkúıekten bastap Ózbekstan azamattary úshin Taılandqa vızasyz kirý rejımi toqtatylady.
Taıland Koroldigi Úkimetiniń sheshimine sáıkes, elge barýdy josparlap otyrǵan Ózbekstan azamattary aldyn ala kirý vızasyn rásimdeýi qajet.
Ol úshin Taıland Koroldiginiń elektrondy vızaǵa arnalǵan resmı portalynda elektrondy vızalyq saýalnamany toltyrý qajet.
Saýalnamany toltyrǵannan keıin vızalyq alymdy tóleý úshin Taıland Koroldiginiń Reseı Federatsııasyndaǵy Elshiligine, ıaǵnı Máskeýdegi dıplomatııalyq ókildikke barý qajet.
Osylaısha, 15 qyrkúıekten bastap Ózbekstan azamattary buǵan deıin qoldanysta bolǵan vızasyz rejım aıasynda Taılandqa kire almaıdy.
Osyǵan deıin Taıland Eýropalyq Odaq elderiniń týrısteri úshin vızasyz bolý merzimin 30 kúnge deıin qysqartatynyn habarlaǵan bolatyn.
