Taıland mına jarylysynan keıin Kambodjamen beıbit kelisimdi toqtatty

ASTANA. KAZINFORM — Taıland kórshiles Kambodjamen AQSh-tyń araaǵaıyndyǵymen jasalǵan beıbit kelisimdi júzege asyrýdy ýaqytsha toqtatty, dep habarlaıdy Aljazeera.

Bul jaǵdaı shekara mańynda bolǵan mına jarylysynan taılandtyq eki jaýyngerdiń zardap shekkeninen keıin qalyptasyp otyr.

Taıland premer-mınıstri Anýtın Charnvırakýl dúısenbi kúni bolǵan oqıǵadan keıin, bitim sheńberinde atqarylýy tıis barlyq áreketter Taılandtyń talaptary oryndalǵanǵa deıin toqtatylatynyn málimdedi. Biraq ol talaptar ázirge naqtylanbaǵan.

«Bizdiń ulttyq qaýipsizdigimizge qatysty dushpandyq pıǵyl biz kútkendeı azaıǵan joq», dedi Anýtın.

Ol Taıland talaptarynyń naqty neni qamtıtynyn da ashyp aıtpady. Al bul kórshiles eldiń mundaı sheshimine Kambodja úkimeti áli eshqandaı jaýap qatpady.

Aıta keteıik, Taıland keıbir provıntsııalardaǵy Kambodjamen aradaǵy shekarany japty. 

Sondaı-aq Taıland premer-mınıstri Kambodja basshysymen telefonmen tildeskennen keıin qyzmetinen bosatylǵanyn jazǵanbyz.