Taıland kýrortynda eki márte jarylys boldy
ASTANA. QazAqparat - Taılandtyń ońtústiginde ornalasqan Pattanı kýrortyndaǵy eki qonaq úı aldynda jarylys bolyp, bir adam qaza tapty, taǵy otyz adam jaralandy.
Taılandtyń Pattanı kýrortyńda eki jarylys bolyp, bir adam kóz jumdy, 30 adam zardap shekti. Bul týraly Reuters agenttigine qalalyq polıtsııa polkovnıgi habarlaǵan.
Ol birinshi jarylystyń kúndiz qonaq úı aldyndaǵy avtoturaqta bolǵanyn jáne onda eshkim zardap shekpegenin aıtty.
Ekinshi jarylys karaoke-barǵa qarama-qarsy ornalasqan qonaq úı aldynda turǵan júk kóligindegi jarylǵysh zattyń iske qosylýynan bolǵan. Polıtsııanyń aıtýynsha, zardap shekkender arasynda sheteldikter joq.
