Taıland Konstıtýtsııalyq soty basshysyna Qazaqstannyń memlekettik nagradasy tabys etildi

BANGKOK. QazAqparat - Qazaqstan Elshisi Raýshan Esbolatova Taıland Koroldigi Konstıtýtsııalyq sotynyń Tóraǵasy Voravıt Kangsasıtıammen kezdesýinde «Qazaqstan Respýblıkasynyń Konstıtýtsııasyna 25 jyl» medalin tabys etti, dep habarlaıdy QazAqparat QR SІM Telegram-kanalyna silteme jasap.

Jyly kezdesý barysynda R.Esbolatova Qazaqstanda ótip jatqan saıası ózgerister men reformalar týraly aıtyp berdi. Memleket basshysy Qasym-Jomart Toqaevtyń Joldaýynyń negizgi erejelerin ataı otyryp, Elshi suhbattasyn el ekonomıkasynyń túrli salalaryn jańǵyrtý jáne memleketti odan ári damytý boıynsha Prezıdenttiń Úkimet aldyna qoıǵan basymdyqtary týraly habardar etti.

Óz kezeginde, V.Kangsasıtıam medalmen marapattaǵany úshin Qazaqstan basshylyǵyna alǵysyn bildire otyryp, qaǵıdattary qabyldanatyn jáne normatıvtik aktilerdiń sapasyna tikeleı áser etetin negizgi zańdy tereń túsinýdiń mańyzdylyǵyn atap ótti.

Taraptar dástúrli dostyq pen ózara qoldaý negizinde eki el arasyndaǵy qarym-qatynastardy damytý boıynsha birlesken jumystarǵa daıyn ekendikterin bildirdi.