Taıland Kambodjamen qaqtyǵys kezinde 14 azamattyń qaza tapqanyn málimdedi

ASTANA. KAZINFORM - 25 shilde kúni tańerteń Taıland-Kambodja shekarasy mańynda artıllerııalyq dybystar taǵy da estildi. Bul týraly Taılandtyń Ulttyq habar taratý qyzmeti habarlady, dep jazdy Sınhýa aqparat agenttigi. 

Adamdarǵa shekaralas aýdandarǵa barmaýǵa keńes berildi.

- Beısenbi kúni jergilikti ýaqytpen saǵat 21:00-degi jaǵdaı boıynsha Kambodjamen shekara mańyndaǵy áskerı qaqtyǵysta 14 taı azamaty qaza taýyp, 46-sy jaraqat aldy, - dep habarlady Taıland Densaýlyq saqtaý mınıstrligi ókiliniń orynbasary.

Buǵan deıin Kambodja Taılandpen shekaradaǵy qaqtyǵysqa baılanysty BUU otyrysyn ótkizýge shaqyrdy.

Eske sala ketsek, 23 shildede shekaralyq aımaqta mına jarylyp, Taıland sarbazdary zardap shekti. Kambodja tarapy Taılandtyń aıyptaýyn joqqa shyǵardy. 

Beısenbi kúni Taıland pen Kambodja shekarasynda qaqtyǵystyń shıelenisýi jaǵdaıynda oq almasyp, saldarynan 9 beıbit turǵyn qaza taýyp, 14 adam jaraqat aldy.