Taıland-Kambodja qaqtyǵysy: Shekaradaǵy 377 mektep jabyldy

ASTANA. KAZINFORM — Kambodja bıligi Taılandpen qaqtyǵysqa baılanysty shekaralas provıntsııalardaǵy barlyǵy 377 mektepti japty, dep habarlaıdy Sınhýa.

Bul mektepterde barlyǵy 78 585 oqýshy bilim alyp, 3 197 muǵalim jumys isteıdi. Bul málimetti Kambodjanyń bilim, jastar jáne sport mınıstrligi Facebook paraqshasynda jarııalady. 

Qazir qaqtyǵystan Oddar Mınchı, Preah Vıhear jáne Bantı Mınchı provıntsııalary zardap shekken.

Buǵan deıin Taıland-Kambodja shekarasynda qaqtyǵys qaıta bastalǵanyn jarııaladyq. Eki el arasyndaǵy jaǵdaı áli de shıelenisken kúıde qalyp otyr.