Taıland bıligi jarylysty uıymdastyrǵan kúdiktiniń beınesin anyqtady
ASTANA. QazAqparat - Bangkoktaǵy jarylysty uıymdastyrǵan adamnyń sýreti Taıland bıliginiń qolyna tústi. Ol beınebaqylaý kameralarynan alyndy, dep habarlady «TASS» agenttigi.
Kameralarǵa ulty arabqa uqsaıtyn er adam ilikken. Jarylystyń uıymdastyrylý sebebi ázirge belgisiz.
Jarylys halyq kóp shoǵyrlanǵan Ratchaprasong torabynda - Bangkoktyń iskerlik jáne týrıstik bóliginde boldy. Jarylǵysh zat ındýızm dinine senýshiler tabynatyn Eravan ǵıbadathanasynan birneshe metr jerde iske qosylǵan. Sońǵy málimetke qaraǵanda, 20 adam qaza taýyp, 120-dan astam jaraqattandy.
