Taıland bıligi Bangkokta qutyrma indetiniń taralýy týraly eskertti

ASTANA. KAZINFORM — Qoǵamdyq densaýlyq saqtaý basqarmasynyń qutyrmamen kúres bólimshesi Taıland astanasy Bangkoktyń toǵyz aýdanynda jáne oǵan jaqyn Samýtprakan provıntsııasynda qutyrma indeti tirkelgennen keıin eskertý jarııalady, dep habarlaıdy  The Nation. 

Mal sharýashylyǵyn damytý departamenti shuǵyl túrde Bangkok pen Samýtprakannyń keıbir aýdandaryn ýaqytsha epıdemııalyq aımaq dep jarııalap, ıt, mysyqtardy jáne basqa da sútqorektilerdi tasymaldaýǵa 30 kúndik tyıym saldy.

Bul buıryq 8 qazanǵa deıin kúshinde bolady. Іndet adamdarǵa, ıt, mysyqtarǵa, iri qaraǵa, býıvoldarǵa jáne basqa da sútqorektilerge taralýy múmkin eleýli qaýip retinde jikteldi.

Bılik qatań túrde abaı bolýǵa jáne buralqy janýarlarǵa jolaýdan aýlaq bolýdy eskertti.

Taı PBS telearnasynyń dereginshe, 2025 jyldyń basynan beri eldiń alty provıntsııasynda jeti adam qutyrmadan kóz jumdy.

Janýar ıeleri kez kelgen aýrý belgileri týraly 12 saǵat ishinde habarlaýǵa mindetti, al janýarlardyń ólekseleri veterınarlar kelgenge deıin qozǵalmaı qalýy tıis.

Qaýlyny buzǵandarǵa eki jylǵa deıin bas bostandyǵynan aıyrý jáne 40 000 bat (1600 AQSh dollary) kóleminde aıyppul salý túrindegi qatań jazalar qarastyrylǵan.

Aıta ketelik Qostanaı oblysyndaǵy bir aýylda ıtten qutyrma deregi anyqtalǵan edi.