Taıland astanasynda jarylys boldy, kem degende 6 adam japa shekti
ASTANA. 27 mamyr. QazAqparat - Taılandtyń tártip saqshylary keminde 6 adam zardap shekken el astanasy Bangkokta bolǵan jarylystyń sebepterin tergeýde.
Bul týraly Bı-Bı-Sı jazyp otyr.
Jergilikti BAQ-tyń boljamynsha, áńgime qoldan jasalǵan bombada bolyp otyr. Jarylys 26 mamyr kúni jergilikti ýaqyt boıynsha saǵat 21:00-de halyq kóp júretin kóshelerdiń birinde oryn aldy.
Jarylys ornynda oq-dáriniń izderi jáne shegeler tabyldy. Jaraqattanǵandardyń ekeýiniń jaǵdaıy tym múshkil. Jarylys saldarynan eki ǵımarat jáne kóshe boıyndaǵy birneshe saýda orny búlindi.
