Taıland astanasy Bangkokta jol opyrylyp, 50 metrlik oıyq paıda boldy

ASTANA. KAZINFORM — Taılandtyń astanasy Bangkokta memlekettik aýrýhananyń ǵımaratynyń aldyndaǵy jol opyrylyp, tereńdigi 50 metrge deıin jáne eni 30 metrge jetetin alyp shuńqyr paıda boldy, dep jazdy Anadoly agenttigi. 

Bangkok Post gazeti habarlaǵandaı, bul apat kezinde eki elektr baǵany men polıtsııa kóligi shuńqyrǵa qulaǵan.

Oqıǵa bolǵan aýmaqqa aparatyn joldar qaýipsizdikti qamtamasyz etý úshin jabylǵan.

Aýrýhanaǵa ambýlatorlyq naýqastardy qabyldaý toqtatyldy, al shamamen 3500 statsıonarlyq naýqas evakýatsııalandy.

Oqıǵa barysynda eshkim zardap shekken joq. Oqıǵanyń sebepteri tergelip jatyr.

Aıta keteıik, buǵan deıin Taıland bıligi Bangkokta qutyrma indetiniń taralýy týraly eskertken bolatyn.