Taıland «altyn vıza» beredi

ASTANA. KAZINFORM — Taıland sheteldikterge 1 mıllıon dollarǵa «altyn vıza» bergisi keledi, dep habarlaıdy Bloomberg. 

Eks-premer-mınıstr Taksın Chınavat elge 1 mıllıon AQSh dollaryn nemese odan da kóp ınvestıtsııa salǵandarǵa uzaq merzimdi turýǵa ruqsat berýdi jáne jyljymaıtyn múlik satyp alýdy usyndy. 

Baǵdarlama 600 000 qatysýshyǵa arnalǵan jáne Taıland ekonomıkasyna shamamen 600 mıllıard dollar ınvestıtsııa ákelýi múmkin, ol bilim berý men ınfraqurylymdy damytýǵa jumsalady.

Eske sala keteıik, Taıland sheteldik týrısterge arnalǵan jańa alymdy engizýdi keıinge qaldyrdy. Buǵan deıin sheteldik týrısterge arnalǵan alymdy 2025 jyly engizý josparlanǵan bolatyn. Alaıda, mınıstrliktiń assıstenti Chakrapol Tansýtıthamnyń málimdeýinshe, Týrızm jáne sport mınıstri Soravong Thıenthong qazirgi jaǵdaıdy turaqsyz dep eseptep, bastamany keıinge qaldyrý týraly sheshim qabyldaǵan. 

Dýbaıda medbıkelerge «altyn vızalar» beriledi.