Taǵy úsh oblysta sabaqtar toqtatyldy

ShQO Tótenshe jaǵdaılar departamentiniń aqparatynsha, eldiń birqatar eldimekeninde birinshi aýysym úshin sabaqtar bolmaıdy. Máselen, Óskemende 30 gradýs aıazǵa baılanysty 1-4 synyp oqýshylary oqymaıdy. Aýa temperatýrasy 30 gradýsqa deıin tómendegen Semeı qalasynda 1-9 synyptarda sabaq júrgizilmeıdi. -27 gradýs aıazdy kórsetip turǵan Rıdder qalasynda tańerteń oqıtyn 1-9 synyp oqýshylary da úılerinde qalady.  

Zyrıan aýdanynda -31 gradýs sýyq bolyp tur. Ondaǵy 1-4 synyp oqýshylary úshin sabaq bolmaıdy. Qatonqaraǵaı aýdanynda aıaz 28 gradýsqa deıin kóterilip tur, 1-9 synyp oqýshylary búgin mektepke barmaıdy. Shemonaıha aýdanynda -34 gradýs aıaz, al Besqaraǵaı aýdanynda 35 gradýsqa deıin kóterilgen, bul aýdandarda birinshi jáne ekinshi aýysymdaǵy 1-11 synyp oqýshylary úshin sabaq bolmaıdy. Aıagóz aýdanynda -27 gradýs sýyq, birinshi aýysymdaǵy 1-9 synyptar úshin sabaq bolmaıdy. Borodýlıha aýdanynda (-36 gradýs) birinshi jáne ekinshi aýysymdaǵy 1-11 synyp oqýshylary úılerinde qalady.

Ulan aýdanynda aýanyń temperatýrasy -30 gradýs, birinshi aýysymdaǵy 1-4 synyp oqýshylary úshin sabaq toqtatyldy. Kúrshim aýdanynda aýa temperatýrasy -32 gradýsty kórsetip tur. Saldarynan birinshi aýysymdaǵy 1-9 synyp oqýshylary oqymaıdy. Kókpekti aýdanynda (-28 gradýs) birinshi aýysymdaǵy 1-9 synyp balalary da búgin demalady.

Sondaı-aq Úrjar aýdanynda (-29 gradýs) birinshi aýysymdaǵy 1-4 synyptar úshin sabaq bolmaıdy.

Qaraǵandy qalalyq Bilim basqarmasynyń aqparatyna sáıkes, 21 jeltoqsan kúni aýa raıynyń qolaısyzdyǵyna baılanysty tańerteńgilik kezektegi 0-9 synyp qatysýshylary oqymaıdy.

Sonymen qatar, Qostanaıdyń bilim bóliminen málim etkendeı, juma kúni tańerteńgi saǵat 06.00-degi jaǵdaı boıynsha qalada -26 gradýs aıaz turdy. Sol sebepti birinshi aýysymdaǵy 0-5 synyp oqýshylary úshin sabaqtar toqtatyldy. 

Eske salaıyq, búgin aıazǵa baılanysty Astana qalasynyń mektepterinde birinshi aýysymdaǵy 1-9 synyp oqýshylaryna sabaqtar toqtatyldy.