Taǵy eki óńirde sabaqtar toqtatyldy
NUR-SULTAN. QazAqparat – Aýa raıynyń buzylýyna baılanysty taǵy eki óńirde ekinshi aýysym sabaqtary toqtatyldy, dep habarlaıdy QazAqparat.
Shyǵys Qazaqstan oblystyq Bilim basqarmasynyń aqparaty boıynsha, -23-33 gradýs aıazdarǵa, sondaı-aq kóktaıǵaqqa baılanysty Besqaraǵaı aýdanynda 1-4 synyp, Zaısan aýdanynyń Zaısan qalasynda 1-11 synyp, Altaı aýdanynda 1-9 synyptarǵa sabaq bolmaıdy.
Al Aqmola oblysynda qatty burqasyn saldarynan Arshaly men Astrahan aýdandarynda 0-4 synyptar, Korǵaljyn aýdanynda 0-9 synyptar, Egindikól aýdanynda 0-11 synyptar oqymaıdy.
Aıta keteıik, búgin ekpindi jelge baılanysty Nur-Sultan qalasynda birinshi aýysymdaǵy 0-4 synyptarǵa, ekinshi aýysymdaǵy 0-9 synyptarǵa oqý protsesi toqtatyldy.
Sondaı-aq ShQO-nyń ártúrli eldi mekeninde birinshi aýysymdaǵy 1-9 synyp oqýshylary úılerinde qaldy.
