Taǵy eki qazaqstandyq sportshy dopıng qoldanǵany úshin jarystan shettetildi
NUR-SULTAN. QazAqparat - Qazaqstandaǵy dopıngke qarsy ulttyq ortalyqtyń resmı saıty tyıym-salynǵan dári-dármek qoldanǵan sportshylar tizimin taǵy da jańartty, dep habarlaıdy QazAqparat Ulttyq olımpıada komıtetine silteme jasap.
Resmı saıttaǵy tizimde kanoeshi Valerııa Kopýşý men MMA ókili Ásem Jákenovanyń qan saraptamasynan tyıym salynǵan dáriler tabylǵany kórsetilgen.
Valerııa Kopýşýdiń synamasynan qoldanýǵa tyıy salynǵan oraltýrınabol tabyldy. Synama jarystan tys kezde alynǵan. Sportshy 4 jylǵa jarystardan shettetildi. Al Ásem Jákenova meldonıı qoldanǵany úshin tórt jylǵa úlken sporttan alastatyldy.
Eske sala keteıik, Qazaqstan Ulttyq Olımpıada komıteti sportta dopıng qoldanýǵa qarsy jáne Halyqaralyq Olımpıada komıteti (HOK) men Búkilálemdik dopıngke qarsy agenttiktiń (WADA) «taza» sportshylardy qorǵaý týraly ustanymyn tolyǵymen qoldaıdy.
