Taǵy eki qazaqstandyq áýe kompanııasy Eýropaǵa ushýǵa ruqsat aldy
ASTANA. QazAqparat - «FLY JET.KZ» jáne «Jet Airlines» AQ áýe kompanııalary Eýropaǵa ushýǵa ruqsat berý protsedýrasynan ótti. Búgingi tańda jeti otandyq áýe kompanııasy Eýropalyq odaq elderine ushý múmkindigine ıe bolyp otyr, dep habarlaıdy «QazAqparat» HAA Azamattyq avıatsııa komıtetine silteme jasap.
Budan buryn «Air Astana» AQ, «Prime Aviation» AQ, «Kaz Air Jet» AQ, «Comlux-KZ» JShS, «SCAT» áýe kompanııalary ushý qaýipsizdigi boıynsha Eýropalyq agenttiktiń (EASA) avtorızatsııa rásiminen ótken bolatyn.
Komıtette eske salyp ótkendeı, qazaqstandyq áýe kompanııalarynan Eýropaǵa ushý shekteýleri tolyǵymen alynyp tastalǵan.
Anyqtama: Eýropalyq odaqqa reıster ushyrý maqsatynda úshinshi elderdiń paıdalanýshylary úshin 2014 jyldyń sáýir aıynda Eýropalyq Komıssııa olarǵa mindetti túrde ruqsat berý talaptaryn engizdi. Atalmysh avtorızatsııalaý protsedýrasyn ushý qaýipsizdigi (EASA) jónindegi Eýropalyq agenttik júzege asyrady. Ruqsat berý rásimine sáıkes, paıdalanýshy ushatyn kúnine deıin EASA-ǵa ótinish berýleri kerek.
