Taǵy bir legıoner «Qaırattan» ketetinin málimdedi
ASTANA. QazAqparat - Trınıdadtyq 27 jastaǵy qorǵaýshy Sheldon Bato Almatynyń «Qaırat» komandasynan ketetinin aıtty, dep habarlaıdy QazAqparat Sports.kz-ke silteme jasap.
«Men «Qaıratta» qalmaımyn», - dedi fýtbolshy.
Bato almatylyq ujym sapynda bir jarym maýsym oınap, Qazaqstan chempıonatynda 39, el Kýbogynda 1, eýrokýboktarda 7 oıynda alańǵa shyqqan. «Qaıratqa» jalǵa berilgen fýtbolshynyń transferlik quqyǵy Samaranyń «Krylıa Sovetov» klýbyna tıesili.
Aıta keteıik, buǵan deıin reseılik Andreı Arshavın men brazılııalyq Isaeldiń «Qaırattan» ketetini habarlanǵan bolatyn.
