Taǵy bir kerik janýarlarǵa aıaýsyz qaraýdyń qurbanyna aınaldy
ASTANA. QazAqparat - Tóbesi ashyq júk kóligimen OAR-ǵa apara jatqanda basy jol ótpesine soǵylǵan kerik aram qatty, dep habarlady Janýarlarǵa aıaýsyz qaraıtyndarǵa qarsy kúres qoǵamyna silteme jasaǵan Frans Press agenttigi.
SPCA ókili Rık Allan atalǵan oqıǵanyń beısenbi kúni Ońtústik Afrıka astanasy Pretorııa men Iohannesbýrg arasyndaǵy joldyń boıynda bolǵanyn habarlady. Ázirge keriktiń haıýanattar baǵyna tıesili nemese jabaıy janýar ekeni belgisiz. «Bizdiń tekserýimiz tasymaldaǵan kóliktiń qajetti talaptarǵa jaýap bermeıtinin kórsetti», - dep málimdedi Allan.
Sonymen birge, ol ólgen janýardy qaraǵan mal dárigeriniń shyǵarǵan qorytyndysy boıynsha, janýar jas bolyp shyqqan. Haıýanattar baǵy men akvarıýmdar eýropalyq qaýymdastyǵy jas kerikterdi analarynan aıyrýǵa tyıym salǵan. Kerikterdi 15 aı tolǵannan keıin ǵana tasymaldaýǵa ruqsat etilgen. Bul janýarlardy tasymaldaýda qaýymdastyq mamandandyrylǵan treılerdi paıdalanýǵa keńes beredi. SPCA keriktiń ólimine aıyptylardy qylmystyq jaýapkershilikke tartpaq.
