Taǵy bir qazaqstandyq fılm Berlın kınofestıvaliniń konkýrs baǵdarlamasyna endi
QR Mádenıet jáne sport mınıstrligi tapsyrysy boıynsha Ulttyq kınony qoldaý ortalyǵy qoldaýymen Medeor kompanııasy túsirgen «Shema» kórkem fılmi Germanııada aqpannyń 10-y men 20-sy aralyǵynda aralas formatta ótetin 72-shi halyqaralyq Berlın kınofestıvaliniń Generation konkýrstyq baǵdarlamasyna ilindi.
Bul týraly fılmniń kreatıvti prodıýser ıÝlııa Kım óziniń Facebook paraqshasynda habarlady.
Kúrdeli taqyrypta túsirilgen kınotýyndynyń jelisi kastıngke kelgen jasóspirimderdiń jeke oqıǵalaryna negizdelgen.
Rejısser Farhat Sharıpov óz fılmderinde aqıqatty ashyp kórsetýge árdaıym talpynatynyn aıta ketý kerek.
2020 jyly kúz aıynda qolǵa alynǵan kınotýyndynyń túsirý jumystary negizinen Almatyda ótti.
Basty rólderdi Vıktorııa Romanova jáne Taır Svıntsov esimdi jas akterler somdady. Bul olardyń alǵashqy róli ekenin aıta ketken jón.
Fılmniń qoıýshy operatory Aleksandr Plotnıkov, al qoıýshy sýretshisi – Alekseı Shındın. Kınokartınanyń prodıýseri - Dına Jumabek.
Generation – Berlın kınofestıvaliniń balalar men jasóspirimder taqyrybynda túsirilgen fılmderge arnalǵan konkýrstyq baǵdarlamasy.
Búginde qazaqstandyq fılmnen basqa bul baıqaýda Japonııa, Germanııa, Reseı, AQSh, Chılı jáne Rýmynııa elderi túsirgen fılmder de bar.
72-shi halyqaralyq Berlın kınofestıvaliniń jeńimpazdary 16 aqpanda jarııalanady.
Eske sala keteıik, munyń aldynda rejısser Dárejan Ómirbaevtyń «Aqyn» fılmi Berlın kınofestıvaliniń bedeldi baǵdarlamasyna qatysatynyn jazǵan edik.
