Taǵy bir qazaqstandyq bylǵary qolǵap sheberi kásipqoı boksqa aýysty

KÓKShETAÝ. QazAqparat - Aqmolalyq bylǵary qolǵap sheberi, 2018 jylǵy jasósipirimder arasyndaǵy Olımpıada oıyndarynyń kúmis júldegeri Talǵat Sháıken áýesqoılar boksynan kásibı boksqa aýysty. Endi 19 jastaǵy boksshy Qazaqstan atynan sharshy alańǵa shyǵatyn bolady, dep habarlaıdy QazAqparat tilshisi.

Vedomstvonyń málimetinshe, boksshy kásibı rıngte óner kórsetý úshin MTK Global proýmoýterlik kompanııasymen kelisimshartqa turǵan.

«Qurmetti dostar, kásibı boksqa aýysqanyma qoldaý bildirgenderińiz úshin shynaıy alǵysymdy bildiremin. Men dúnıejúzindegi kóshbasshy MTK GLOBAL menedjerlik kompanııasymen kelisimshartqa turdym. Enid qazaqstandyqtardy kásibı bokstaǵy jeńisterimmen qýantýǵa tyrysamyn», -dep jazady boksshy Instagram paraqshasynda.

Aıta keteıik, Talǵat Sháıken 2019 jyly Qazaqstan halqynyń spartakıadasy sheńberinde eresekter arasyndaǵy ótken respýblıkalyq birinshilikte qarsylastaryn aıqyn basymdyqpen tize búktirgen bolatyn.

Ol áýesqoılar arasynda nokaýt sheberi atandy. Qarsylastaryn sharashy alańda talaı márte sulatyp saldy. MTK GLOBAL KAZAKHSTAN menedjerlik kompanııasynyń basshysy Asqar Salyqbaev basylymdardyń birinde jasalǵan kelisimshart uzaq jyldarǵa arnalǵan.