Taǵy bir qazaqstandyq boksshy qarsylasyn nokaýtqa jiberdi
ASTANA. QazAqparat - Kanadanyń Rımýskı qalasyndaǵy Le Centre Financiere Sun Life kesheninde qazaqstandyq boksshy Sadrıddın Ahmedov (4-0, 4 KO) kezektegi jekpe-jegin ótkizdi, dep habarlaıdy QazAqparat Sports.kz-ke silteme jasap.
Onyń bul jolǵy qarsylasy 27 jastaǵy meksıkalyq sportshy Hose Fransısko Sýnıga (14-11-2, 5 KO) boldy. Birinshi orta salmaqta ótken kezdesý alty raýndqa eseptelgen bolatyn. Biraq Sadrıddın ekinshi raýndta-aq qarsylasyn nokaýtqa jiberdi. Osylaısha, Sadrıddın óz statıstıkasyn birshama jaqsartyp aldy: 5-0, 5 KO. Al onyń qarsylasy kásipqoı mansabynda 12-shi ret jeńiliske ushyrady.
Eske sala keteıik, Sadrıddın Ahmedov kásipqoı rıngtegi debıýtin 7 sáýirde toılaǵan bolatyn. Sol kezdesýdiń 31-sekýndynda meksıkalyq Tonı Barrerasty (1-2, 1 KO) jeńgen. Keıin qazaqstandyq bylǵary qolǵap sheberi Arıel Alehandro Sampedrı (9-5, 7 KO), Gýstavo Garıbaı (14-11-2, 6 KO) jáne Hesýs Haver Mendosalardy (7-6-1, 6 KO) tize búktirdi.
