Taǵy bir qazaqstandyq ánshi «Slavıan bazary» baıqaýynda júlde aldy

VITEBSK. BELTA-QazAqparat - «Vıtebskidegi Slavıan bazary» mýzykalyq baıqaýynda qazaqstandyq ánshi Quralaı Meırambek úshinshi oryndy ıelendi, dep habarlaıdy QazAqparat BELTA-ǵa silteme jasap.

Eki kúndik baıqaý nátıjesinde armenııalyq ónerpaz Masha Mndjoıan bas júlde alsa, birinshi oryn – belarýs Samır Elchıevke berildi. Ekinshi oryndy – reseılik Elızaveta Slyshkına men ıtalııalyq Agape bólisti. Úshinshi oryndy – qazaqstandyq Quralaı Meırambek jáne ózbekstandyq Malıka Hakımova ıelengen.

«Qurmetti qazaq elim! Baıqaýda qoldap, jankúıer bolǵan barshańyzǵa myń alǵys! Alla qalasa áli talaı kók týymdy álemde kókte jelbiretetin bolamyn!», - dep jazdy Quralaı óziniń Instagram paraqshasynda.

«Slavıan hıti» baıqaýynda Quralaı belarýs halqynyń «Rechanka» ánin shyrqap, 70 upaıdyń 69-yn jınaǵan edi.

Baıqaýdyń ekinshi kúni «Álemdik hıt» saıysynda Q. Meırambek «Frozen 2» anımatsııalyq fılmindegi «Into the unknown» saýndtregin oryndap, 63 upaı aldy.

Buǵan deıin balalar arasyndaǵy «Slavnıa bazarynda» 12 jasar Sherhan Arystan Gran-prıin jeńip alǵan edi.