Taǵy bir qazaq kásipqoı boksshysy qarsylasyn nokaýtpen jeńdi
ASTANA. QazAqparat - Búgin taǵy bir otandasymyz Abylaıhan Qusaıynov kásipqoı bokstaǵy kezekti jeńisine qol jetkizdi. Ol Kanadanyń Kvebek qalasynda ótken aıqasta jergilikti boksshy Rodsı Vınsentpen judyryqtasyp, qarsylasyn úshinshi raýndta nokaýtqa túsirdi.
Bıyl 25 jasqa tolyp otyrǵan jerlesimizdiń bul kásibı rıngtegi ekinshi jekpe-jegi jáne ekinshi jeńisi. Ol buǵan deıin qytaılyq He Jandy nokaýtpen utqan bolatyn.
Esterińizge sala keteıik, osydan shamaly ýaqyt buryn taǵy bir otandasymyz Batyr Júkembaev ta osy boks keshinde meksıkalyq Rendı Losanǵa qarsy rıngke shyǵyp qarsylasyn ýaqytynan buryn jeńgeni týraly jazǵan bolatynbyz.
