Taǵy bir qazaq boksshysy kásipqoı rıngte alǵashqy jekpe-jegin ótkizedi
ASTANA. QazAqparat - «Astana Arlans» quramynda WSB chempıony bolǵan Arman Rysbek AQSh-ta kásipqoı bokstaǵy alǵashqy jekpe-jegine daıyndalýda, dep habarlaıdy Sports.kz.
Boksshynyń menedjeri Farhad Sharıpov Facebook-ke Armannyń debıýti 1 jeltoqsan kúni Florıda shtatynyń Tamp qalasynda, taǵy bir qazaqstandyq bylǵary qolǵap sheberi Ivan Dychkonyń boks keshinde ótetinin jazdy.
Onyń qarsylasy 26 jastaǵy amerıkalyq boksshy Donald Djekson (0-1) bolmaq. Ekinshi orta salmaqtaǵy jekpe-jek tórt raýndqa jalǵasady.
Boxrec.com-nyń aqparatyna súıensek, 27 qańtarda Orlandoda Arman ekinshi aıqasyn ótkizýi tıis. Onda jerlesimiz amerıkalyq Eshton Saıkspen (1-0) judyryq túıistiredi. Sol boks keshinde rıngke Kishi Floıd Meıvezerdiń inisi Djastın Meıvezer Djons ta kóteriledi.
