Taǵy bir Energetıka vıtse-mınıstri qarjy jymqyrý kúdigine ilikti

ASTANA. QazAqparat - Saran qalasynyń burynǵy ákimi, al qazirgi kezde Energetıka vıtse-mınıstri Anatolıı Shkarýpa 2015 jyly 215 mln teńgeni jymqyrý kúdigine ilikti. Bul týraly QR Bas prokýrory Qaırat Qojamjarov málim etti, dep habarlaıdy QazAqparat.

«Zań tarapynan jaqynda Energetıka vıtse-mınıstri qyzmetine taǵaıyndalǵan Shkarýpaǵa qatysty shaǵym bar. Osyǵan deıin Saran qalasy ákimi laýazymynda bolǵan.  Ol 2015 jyly Qaraǵandy oblysy Saranda jylýdy esepteý qurylǵylaryn ornatýǵa bólingen 215 mln teńgeni jymqyrýǵa qatysy bar degen kúdikke ilikti. Esepteýish quraldar bos qabyrǵalarǵa ornatylǵan. Atalǵan fakti boıynsha biz qylmystyq isti tergeýge kiristik», - dedi Q. Qojamjarov Aqordada ótken Qaýipsizdik keńesi otyrysynda.

Esterińizge sala keteıik,Anatolıı Shkarýpa bıylǵy 9 qazanda QR Energetıka vıtse-mınıstri laýazymyna taǵaıyndalǵan bolatyn.

Budan buryn habarlanǵandaı, Qaýipsizdik keńesiniń otyrysynda Memleket basshysy Nursultan Nazarbaev tarıfterdi zańsyz kótergen monopolısterdi jazalaýdy talap etti