Taǵy bir búrkitshi qazaq qyzy sheteldik rejısserlerdiń nazaryna ilikti
ASTANA. QazAqparat - Taǵy bir búrkitshi qazaq qyzy sheteldik rejısserlerdiń nazaryna ilikti, dep habarlaıdy QazAqparat.
Mońǵolııanyń KAZNEW portalyndaǵy málimetterge negizdelsek, bul joly Sıngapýrlyq rejısserler Mońǵolııadaǵy búrkitshi qazaq qyzy Aıgerim Áskerqyzy týraly fılm túsirýdi qolǵa almaq.
«Baıan-Ólgeı aımaǵynyń Altaı aýylynda ótken búrkitshiler festıvalin shetelden kóptegen týrıster kelip tamashalady. Olardyń arasynda Sıngapýrlyq rejısserler de kelgen bolatyn. Olar festıvalde tórtinshi oryndy ıelengen Aıgerim Áskerqyzy týraly fılm túsirmek», dep jazady derekkóz.
Aıgerim Áskerqyzy - Altaı aýylyndaǵy orta mekteptiń 7-synybynda oqıdy. Segiz jasynda ákesimen birge qusbegilik ónerdi úırengen.
Esterińizge salsaq, budan buryn AQSh rejısserleri búrkitshi Aısholpan Nurǵaıypqyzy týraly derekti fılm túsirip, álemge tanymal etken.
