Taǵy bir boksshymyz Prezıdent kýbogynyń jartylaı fınalyna shyqty
ASTANA. QazAQparat - Astanada bokstan ótip jatqan halyqaralyq Prezıdent kýbogy týrnırinde taǵy bir otandasymyz jartylaı fınalǵa shyqty, dep habarlaıdy QazAqparat tilshisi.
Búgin jas talantymyz 69 keli salmaqtaǵy Sadrıddın Ahmedov sharshy alańda fılıppındik Baho Joeldy jarys jolynan taıdyrdy. Ahmedov qarsylasyn birinshi raýndta bir ret nokdaýnǵa túsirip aldy. Osydan keıin ózin sharshy alań qojaıyny retinde erkin ustap, aıqyn basymdylyqqa ıe boldy.
Esterińizge sala keteıik, osyǵan deıin Vasılıı Levıt (91 keli) jáne Ábilhan Amanqul (75 keli) Prezıdent kýbogy týrnıriniń jartylaı fınalyna shyqqan edi. Sondaı-aq, qyzdar arasynda Nazym Qyzaıbaı men Jaına Shekerbekova (51 kel) týrnırdiń jartylaı fınalyna ótti.
Esterińizge sala keteıik, búgin Prezıdent kýbogy týrnıriniń ótip jatqanyna úshinshi kún. Týrnır 13 salmaq boıynsha (10 erler, 3 qyzdar) ótýde. Jarysqa qazaq sportshylarynan bólek, Ózbekstan, Iran, Úndistan, Tájikstan, Fılıppın, Ońtústik Koreıa, Ýkraına, Reseı, Mońǵolııa jáne Qyrǵyzstan elderiniń boksshylary qatysyp jatyr. Fınaldyq aıqastar 10 maýsymda ótedi.
