Taǵy bir bala oqtan kóz jumdy - Arýjan Saın barynsha saq bolýdy eskertti

ALMATY. QazAqparat – Qazaqstan Respýblıkasynyń Balalar quqyǵy jónindegi ýákili Arýjan Saın elde qalyptasqan jaǵdaıǵa baılanysty ana-analarǵa eskertý jasady, dep habarlaıdy QazAqparat tilshisi.

«Búgin Almatydaǵy jappaı tártipsizdikter kezinde 4 jasar balanyń oq tıip, kóz jumǵany týraly aqparattyń naqtylyǵyn surap habarlasqan adamdar kóp boldy. Sondyqtan men túrli aqparat kózderine habarlasyp, oqıǵanyń mán-jaıyn bildim. 7 qańtar kúni Seıfýllın kóshesiniń boıymen kele jatqan mashınaǵa oq atylǵan. Kólikte úlkendermen bolǵan balaǵa oq tıyp, kóz jumǵan. Sondyqtan mpen barlyq ata-analarǵa, almatylyqtarǵa barynsha saq bolý kerektigin eskertkim keledi. Balalaryńyzdy qaraýsyz, jalǵyz qaldyrmańyzdar», - dedi Balalar quqyǵy jónindegi ýákili QazAqparat tilshisine.

Eske salsaq, 5 qańtar kúni Almatyda oq jaraqatynan bala qaıtys boldy. Ata-analary balalarmen serýendep qaıtyp kele jatqanda oq atylyp, 11 jastaǵy bala qaza tapty.