Taǵy bir álemdik bestseller qazaq tiline aýdaryldy

QARAǴANDY. QazAqparat – Qaraǵandy oblysynyń tilderdi oqytý ortalyǵy Garrı Greıdiń «Bir kezderi Amerıkada» romanyn qazaq tiline aýdardy. Aýdarmashy – jýrnalıstıka ardageri Rymbala Smaılova, dep habarlaıdy QazAqparat tilshisi.

«Garrı Greı óziniń bıografııalyq romanynda HH ǵasyrdyń basyndaǵy Amerıkadaǵy ómirdi shynaıy kórsetken: kedeılik, jalpyǵa birdeı zańsyzdyq, qylmystyq toptar. Aýdarma sonshalyqty kúrdeli emes, sıýjet jelisi qyzyq, dıalogtar kóp boldy. Men ony úlken qyzyǵýshylyqpen aýdardym», – deıdi Rymbala Smaılova.

«Bir kezderi Amerıkada» kitabynyń tusaýkeseri «Qasym úıinde» ótti.

Alǵashqy danalary is-shara qonaqtaryna taratylyp, Bekturov jáne Gogol atyndaǵy kitaphanalarǵa berildi.

Esterińizge sala keteıik, Qaraǵandy oblysynyń tilderdi oqytý ortalyǵy bıyl álemdik ádebıetti qazaq tiline aýdarý arnaıy jobasyn bastady.

Qazirdiń ózinde eki kitap aýdaryldy – Marıo Pıýzonyń «Ókil áke» jáne Garrı Greıdiń «Bir kezderi Amerıkada» kitaptary.

«Bıyl aýdarma úshin biz tek eki kitap tańdap aldyq. Kelesi jyldan bastap kóbirek aýdarýdy josparlap otyrmyz. Bizdiń ortalyq eresekterdi oqytýmen aınalysady, sondyqtan bizde eresekterge arnalǵan kitaptar bar. Bolashaqta jobamyz sátti bolsa, balalar basylymdaryn da aýdara bastaımyz», – deıdi Qaraǵandy oblystyq tilderdi oqytý ortalyǵynyń basshysy Almagúl Igenova.

Foto: Qaraǵandy oblysynyń ákimdigi