Taǵy 108 qazaqstandyq Bek Eır-den ushaq bıleti qunyn qaıtarýdy talap etti

NUR-SULTAN. QazAqparat – «Bek Eır» AQ áýe kompanııasynan toqtatylǵan áýe reısteri úshin satyp alynǵan bılet qunyn qaıtarý úshin taǵy 108 qazaqstandyq ótinish berdi, dep habarlaıdy QazAqparat tilshisi.

«Qazaqstandyqtar QR Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıtetine toqtatylǵan reısterdiń bıletteri úshin aqshalaı qarajatty ótemegen «Bek Eır» AQ áýe kompanııasyna qatysty buzylǵan quqyqtaryn qalpyna keltirý týraly ótinishterin joldap jatyr. Úshinshi talap-aryzda TQQK 7,6 mln teńgege 212 áýe bıletin satyp alǵan 108 qazaqstandyqtyń múddesin bildiredi«,- delingen komıtet taratqan aqparatta.

Sotta óz múddelerin bildirý úshin tutynýshylar TQQK meken-jaıyna myna siltemeden júktep alynǵan anyqtamany jiberýi kerek. Ótinishter elektrondyq úkimettiń portaly jáne telegramm-boty artqy qabyldanady.

Buǵan deıin sot tutynýshylar quqyǵyn qorǵaý komıtetiniń «Bek Eır» AQ-na qatysty ekinshi talabyn qanaǵattandyrǵanyn habarlaǵan edik.

Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeır kompanııasynyń ushaǵy radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Ushaq jerge qulaǵan soń syrǵanap baryp áýejaı aýmaǵyna jaqyn tustaǵy aýyl shetindegi eki qabatty úıge soǵylǵan. Saldarynan 12 adam qaza tapty. Osydan keıin Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy.