Taǵy úsh oblysta kólik qozǵalysyna shekteý qoıyldy

ASTANA. KAZINFORM – Elimizdiń úsh oblysynda aýa raıyna baılanysty kólik qozǵalysyna shekteý qoıyldy, dep habarlaıdy «QazAvtoJol» UK» AQ baspasóz qyzmeti.

Aktsıonerlik qoǵamnyń Telegram arnasy taratqan aqparattarǵa qaraǵanda, búgin saǵat 19:00-de Qostanaı oblysynda kúnniń buzylýyna baılanysty respýblıkalyq mańyzy bar «Ekaterınbýrg-Almaty» avtojolynyń 686-729 shaqyrym aralyǵynda (Sarykól aýylynan SQO shekarasyna deıin) kóliktiń barlyq túriniń qozǵalysyna shekteý qoıyldy.

Joldy 10 qarasha saǵat 09:00-de ashý josparlanǵan.

Sondaı-aq saǵat 20:00-de Ulytaý oblysynda respýblıkalyq mańyzy bar «Jezqazǵan-Petropavl» avtojolynyń 136-252 shaqyrym aralyǵynda (Ulytaý oblysynyń shekarasynan Qostanaı oblysynyń shekarasyna deıin) kóliktiń barlyq túriniń qozǵalysyna shekteý qoıyldy.

Jol 10 qarasha kúni saǵat 09:00-da ashylady dep josparlanyp otyr.

Al búgin saǵat 20:00-de Aqmola oblysynda myna avtojoldarda kóliktiń barlyq túriniń qozǵalysyna shekteý qoıyldy:

1. «Jaqsy-Esil-Buzylyq» 72-82 km, Aqsaı aýylynan Buzylyq aýylyna deıin;

2. «Jezqazǵan-Petropavl» km 377-536, Qostanaı oblysynyń shekarasynan Buzylyq aýylyna deıin.

2024 jylǵy 10 qarashada saǵat 09:00-de joldardy ashý josparlanǵan.

Osyǵan deıin birneshe respýblıkalyq jolda kólik qozǵalysyna shekteý qoıylǵany týraly habarladyq.