Taǵy úsh qazaqstandyq boksshy qyz kishi álem chempıonatynyń fınalyna shyqty
ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginde» qazaqstandyq taǵy úsh qyz atalǵan týrnırdiń fınalyna shyqty.
Atap aıtsaq, 57 kelide judyryqtasyp júrgen otandasymyz Aıdana Zabynbekova jartylaı fınalda Túrkııa boksshysy Asıýde Edız Echenyden aılasyn asyrdy.
Al 60 keli salmaqta el namysyn qorǵaǵan Rımma Volosenko Italııa ókili Rebekka Nıkolıdy 5:0 esebimen jeńip, aqtyq synǵa ótti.
+81 keli salmaqtaǵy boksshymyz Lázzat Kúngeıbaeva da fınalǵa joldama aldy. Ol jartylaı fınalda túrkııalyq boksshy Seıma Dýztashty utty.
Endi ol fınalda 2 naýryz kúni bul salmaq dárejesinde aqtyq synǵa jekpe jeksiz ótken Dına Islambekovamen chempıondyqty sarapqa salady.
Búgin kishi álem chempıonaty atalyp ketken týrnırdiń eki sessııasynda Qaszaqstan atynan 13 burymdy boksshy fınaldyq kezeńge ótý úshin jarysty jalǵastyryp jatyr.
Strandja týrnırindegi erler arasyndaǵy jartylaı fınalǵa 18 boksshy shyqqan bolatyn. Olar erteń, ıaǵnı naýryzǵa josparlanǵan. Al áıelder arasynda aqtyq synǵa ótken sportshylardyń esimi búgin, ıaǵnı 1 naýryz kúni fınaldyq joldamany sarapqa salady.
Sondaı, osyǵan deıin taǵy eki qazaqstandyq burymdy boksshy fınalǵa shyqqan bolatyn.
