Taǵy tórt boksshymyz Azııa chempıonatynyń júldegeri atandy
ASTANA.KAZINFORM - Indonezııanyń Djakarta qalasynda ótip jatqan Azııa chempıonatynyń fınaldyq jekpe-jekteri ótip jatyr.
Taǵy tórt boksshymyz Azııa chempıonatynyń júldegeri atandy. Boks federatsııasy málimetinshe, olardyń ekeýi altyn alsa, ekeýi kúmis júlde ıelendi.
Azıza Isına Azııa chempıony atandy. U23 sanaty boıynsha 70 kelidegi Azıza Isına fınalda Ózbekstan sportshysy Raıhona Kýrbonboevamen jolyqty. Óte shıelenisti ótken aıqasta otandasymyz 3:2 esebimen basym tústi.
U23 sanaty boıynsha 75 kelidegi Shuǵyla Nálibaı fınalda Úndistan ókili Mýskanmen qolǵap túıistirdi. Alǵashqy mınýttan qarqynyn joǵarylatqan otandasymyz ár raýndty óz enshisine jazyp, tóreshilerdiń biraýyzdan qabyldaǵan sheshimimen (5:0) jeńiske jetti.
Anıta Adısheva – Azııa chempıonatynyń kúmis júldegeri. U23 sanaty boıynsha 51 kelidegi Anıta Adısheva fınalda Ózbekstan sportshysy Gýlsevar Ganıevamen aıqas ótkizdi. 3 raýndqa jalǵasqan jekpe-jekte tóreshiler 1:4 esebimen jeńisti qarsylasqa berdi.
Sonymen qatar U23 sanaty boıynsha 57 kelidegi Uljan Sársenbek fınalda Ózbekstan sportshysy Hýmoraboný Mamajonovamen jolyqty. Qos boksshy da sharshy alańnyń ortasyn bermeýge tyrysyp, alma-kezek shabýyldarmen almasty. Áıtse de tóreshiler 1:4 esebimen qarsylasty jeńimpaz dep tanydy.
Buǵan deıin Kamıla Ospanova Ózbekstan boksshysyn jeńip, Azııa chempıony atandy.
Zarına Tolybaı bokstan Azııa chempıonatynda altyn medal jeńip aldy.
80 kelidegi Aıdana Ýbaıdýllaqyzy sheshýshi synda Úndistan boksshysy Mega Sheokandpen judyryqtasyp, tóreshiler sheshimimen jeńiske jetti.
Gúlnaz Bóribaeva Azııa chempıonatynda altyn medal ıelendi.
