Taǵy eki boksshymyz «Elorda kýbogynyń» qola júldesin ıelendi

ASTANA. KAZINFORM – Elordadaǵy týrnırde eki qazaqstandyq boksshy jartylaı fınaldyq jekpe-jekte qarsylastaryna ese jiberdi. 

Naqtyraq aıtar bolsaq, 63.5 keli salmaqta synǵa túsken Jandos 1/2 fınalda ırandyq Habıbınıjad Alıden jeńilip qaldy. Osylaısha otandasymyz elordadaǵy týrnırdiń qola júldesin qanaǵat tutty. 

63,5 kelide synǵa túsken taǵy bir qazaqstandyq boksshy Almat Ábdýalı jartylaı fınalda ózbekstandyq Adhamdjon Mýhıddınovten 0:5 esebimen ońbaı utylyp, qola medaldi enshiledi. 

Buǵan deıin 48 keli salmaqta Ashat Júsipov pen 51 kelide Sáken Bıbosynov altyn júldege talasýǵa múmkindik alǵanyn jazǵan edik.

Sondaı-aq 60 keli salmaqta qos qazaqstandyq boksshy Serik Temirjanov pen Talǵat Syrymbetov fınalda altyn júldeni sarapqa salatynyn habarlaǵan bolatynbyz.