Almatyda jas jigit kópqabatty úıden qulap, mert boldy

ALMATY. KAZINFORM — Almatyda 26 jastaǵy jigit kópqabatty úıden qulap, oqıǵa ornynda kóz jumdy.

Onyń sýreti áleýmettik jelide tarady.

Ondaǵy málimet boıynsha, qaıǵyly jaǵdaı Bostandyq aýdanynda ornalasqan « Órken» turǵyn úı kesheninde bolǵan. 

Bul aqparatty Almaty qalasynyń polıtsııa departamenti rastady.

— Qylmystyq kodekstiń 105-baby («Ózin-ózi óltirýge deıin jetkizý, ózin-ózi óltirýge kóndirý nemese ózin-ózi óltirýge yqpal etý») boıynsha, Bostandyq aýdandyq polıtsııa basqarmasynda qylmystyq is qozǵaldy. 26 jastaǵy jigittiń óliminiń sebebi men mán-jaıy anyqtalyp jatyr, — dep habarlady Almaty qalalyq polıtsııa departamentiniń baspasóz qyzmeti.

Buǵan deıin Almatyda 20 jastaǵy boıjetkeniń bıikten qulap, mert bolǵany týraly jazǵan edik.

Byltyr Almatyda kópqabatty úıden eki jasóspirim qyz qulap, kóz jumǵan bolatyn.