Taǵy bir ózbekstandyq Olımpıada chempıony dopıng erejesin buzdy degen kúdikke ilindi
ASTANA. KAZINFORM — Halyqaralyq testileý agenttigi (ITA) 2025 jyldyń 11 maýsymynda jarystan tys dopıng-tekserý kezinde ózbekstandyq boksshy Lazızbek Mýllojonovtan alynǵan synamada anabolıkalyq-androgendik steroıd bolyp tabylatyn «metasteron» tabylǵanyn habarlady.
«Metasteron» sýbstantsııasy Dúnıejúzilik dopıngke qarsy agenttik (WADA) tyıym salynǵan zattar tizimine engizilgen jáne C1.1 babyna sáıkes, kez kelgen ýaqytta — jarysta da, jarystan tys ýaqytta da qoldanýǵa qatań tyıym salynǵan. Bul zat sıntetıkalyq anabolıkalyq steroıd bolyp tabylady, ol adamnyń bulshyqet massasyn, kúsh-qýatyn jyldam arttyratyn qasıetterimen tanymal.
Bul jaǵdaı týraly sportshy resmı túrde habardar etildi jáne V úlgisin taldaýdy talap etýge quqyly. Eger V synamasy dál osyndaı nátıje kórsetse, bul jaǵdaı resmı túrde dopıng erejesin buzý retinde rastalady. Eger sportshy V úlgisin teksrtpese, bul da zańbuzýshylyq bolyp sanalady. Bul rette sportshyǵa nátıjege qatysty pikir bildirý múmkindigi beriledi.
Sonymen qatar Dúnıejúzilik bokstyń dopıngke qarsy erejesiniń 7.4.1 babyna sáıkes sportshyǵa mindetti túrde ýaqytsha sporttan shettetý (provisional suspension) jazasy qoldanylǵan. Sportshy bul dıskvalıfıkatsııaǵa apellıatsııalyq shaǵym berýge jáne onyń kúshin joıýdy talap etýge quqyly.
Lazızbek Mýllojonov 1999 jyly 13 mamyrda dúnıege kelgen, (Ferǵana oblysy, Ferǵana aýdany) — ózbekstandyq áýesqoı jáne kásipqoı boksshy, birinshi aýyr jáne aýyr salmaq dárejesinde óner kórsetedi. Bokstan Ózbekstan ulttyq quramasynyń múshesi, 2024 jylǵy Olımpıada chempıony, Álem chempıonatynyń qola júldegeri (2023), Azııa chempıony (2022), áskerı qyzmetkerler arasyndaǵy álem chempıony (2021), Ózbekstannyń birneshe dúrkin chempıony, halyqaralyq jáne respýblıkalyq áýesqoılar týrnırleriniń birneshe dúrkin jeńimpazy jáne júldegeri.
Onyń BoxRec reıtıngi boıynsha eń jaqsy pozıtsııasy — 93-oryn (maýsym 2025 j.) jáne aýyr salmaq sanatyndaǵy ózbek boksshylary arasynda 2-oryn (Bahodır Jalolovtan keıin), álemniń aýyr salmaqtaǵy boksshylarynyń TOP-95-ine kirgen.
Eske sala keteıik, ózbekstandyq taekvondoshy, eki dúrkin Olımpıada chempıony Ýlýgbek Rashıtov dopıngke qarsy erejelerdi buzǵany úshin eki jylǵa sporttan shettetilgeni jaıly jazǵan edik.