Taǵy bir ózbek boksshysy Astanadaǵy keshte sharshy alańǵa shyǵady

ASTANA. KAZINFORM — The Ring Magazine nusqasy boıynsha 2024 jyldyń eń úzdik jekpe-jek nomınanty, ózbekstandyq kásipqoı boksshy Otabek Holmatov (12-1, 11 KO) Astanada ótetin kásipqoı boks keshinde sharshy alańǵa shyǵady.

Ringkz.com saıtynyń habarlaýynsha, ózbekstandyq boksshy 5 sáýir kúni ótetin Jánibek-Anaýel aıqasy anderkartynda judyryqtasady, onyń qarsylasy 34 jastaǵy fılıppındik Djeıson Kanoı Manıgos (30-12, 2 KO).

26 jastaǵy Holmatov 2024 jyly WBA álem chempıony tıtýlyna úmitker bolǵan. Biraq amerıkalyq Reımond Fordqa (16-1-1, 8 KO) qarsy tartysty kezdesýde jeńilip qaldy.

Qazirgi ýaqytta ol WBA reıtınginde 57,2 kg deıingi jartylaı jeńil salmaqta 3-orynda tur.

Osyǵan deıin habarlaǵanymyzdaı, Ózbekstannyń eki dúrkin Olımpıada chempıony atanǵan Bahodır Jalolov (14-0, 14KO) Astanada kezekti jekpe-jegin ótkizedi.