Taǵy bir qazaqstandyq tóreshi Parıj Olımpıadasyna shaqyrtý aldy

Kelesi jyly Parıjde ótetin XXXIII jazǵy Olımpıada oıyndaryna taǵy bir qazaqstandyq tóreshi qazylyq etýge shaqyrtý aldy, dep habarlaıdy Kazinform.

Ulttyq olımpıada komıtetiniń habarlaýynsha, qazaqstandyq sporttyq gımnastıka tóreshisi Tımýr Ámirbekov Halyqaralyq gımnastıka federatsııasynan 2024 jyly Parıjde ótetin jazǵy Olımpıadada tórelik etýge shaqyrtý alǵan. 

Bul — qazaqstandyq maman qazylyq etetin tórtinshi jazǵy Olımp oıyndary bolmaq. 

Tımýr Ámirbekov buǵan deıin 2004, 2012 jáne 2016 jylǵy tórtjyldyqtyń basty dodalarynda tóreshi bolǵan.

Esterińizge sala keteıik, osyǵan deıin kórkem gımnastıkadan qazaqstandyq tóreshi Alýa Bekturova da Parıj Olımpıadasyna shaqyrtý alǵanyn jazǵan bolatynbyz.

XXXIII jazǵy Olımpıada 2024 jyly Parıjde 26 shilde men 11 tamyz aralyǵynda ótedi.

Jazǵy oıyndar buǵan deıin Frantsııada eki márte uıymdastyrylǵan bolatyn.

Álemdik dárejedegi sport saıysynyń jalaýy Parıjde 1900 jáne 1920 jyly jelbiregen edi.