Taǵy bir qazaq qyzy qysqy Azııa oıyndarynyń altyn medalin enshiledi

HARBIN. KAZINFORM – Konkımen júgirýden Qytaı quramasynyń múshesi, Qytaıda týyp-ósken etnıkalyq qazaq sportshy Aqnar Adaqqyzy Harbınde ótip jatqan ІH qysqy Azııa oıyndarynyń altyn medal ıegeri boldy.

Qazaq qyzy áıelder arasynda konkımen júgirýden komandalyq iz qýý jarysynda chemıon atanyp otyr. Qytaı quramasynyń nátıjesi – 3 mınýt 02.75 sekýnd.

Al, Japonııa jáne Ońtústik Koreıa quramalary kúmis pen qola medaldy ózara bólisti.

Aıta keterligi, osy jarysta qazaqstandyq Nadejda Morozova, Krıstına Shýmekova jáne Marııa Degen jarys jolyna shyǵyp, ókinishke qaraı júldege iline almady. 

Konkıshi Aqnar Adaq – Shynjań ólkesi Qutybı aýdanynda dúnıege kelgen. Buǵan deıin 2019 jylǵy Qytaı birinshiliginiń 5 000 metrlik jarysynda — altyn, 3 000 metrde — kúmis medal alǵan. 

Halyqaralyq jarystarǵa da qatysyp, júldegerler qatarynan kórinip júr. 2016 jyly Qytaıdyń ulttyq quramasyna qabyldanǵan.

Sonymen qatar ol byltyr qarasha aıynda Hatınohe qalasynda (Japonııa) ótken tórt qurlyq chempıonatynnyń chempıony boldy.

Buǵan deıin habarlaǵanymyzdaı, Aqnar Adaq Beıjińdegi XXIV qysqy Olımpıada oıyndarynda Qytaı quramasy sapynda óner kórsetken bolatyn.