Taǵy bir blogerge izdeý jarııalandy
ASTANA. KAZINFORM – Qarjy monıtorıngi agenttiginiń Astana qalasy boıynsha ekonomıkalyq tergeý departamenti taǵy bir blogerge izdeý jarııalady.
Bul joly 26 jastaǵy Mahmýd Hıkmatov onlaın kazıno isi boıynsha izdeýde júrgender tizimine engizildi.
Aıta keteıik, keshe Qazaqstan Respýblıkasynyń Bas prokýratýrasy men Qarjylyq monıtorıng agenttiginiń qyzmetkerleri Qazaqstannyń Vetnam Sotsıalıstik Respýblıkasyndaǵy Elshiliginiń qoldaýymen qumar oıyndaryn jarnamalaǵan kúdikti Qaısar Qamzany ekstradıtsııalady.
Tergep-tekserý organynyń nusqasy boıynsha 2025 jylǵy qańtarda ol áleýmettik jeliler men messendjerlerdegi aýqymdy aýdıtorııany paıdalana otyryp, syıaqy úshin zańsyz ınternet-kazıno jarnamasyn ornalastyrǵan jáne Qazaqstan azamattaryn qumar oıyndaryna qatysýǵa tartqan.
Internet-kazınony nasıhattaǵany úshin onyń krıptovalıýtalyq ámııanyna 200 myń AQSh dollary túsken.
