Taǵy 37 sheteldik kompanııa Qazaqstanǵa kóshýdi josparlap otyr
ASTANA. KAZINFORM – Elimizge taǵy 37 sheteldik kompanııa kóshýdi josparlap otyr. Bul týraly Úkimet otyrysynan keıingi brıfıngte Ulttyq ekonomıka vıtse-mınıstri Baýyrjan Qudaıbergenov aıtty.
«Búginde Úkimet sheteldik kompanııalardy — iri kásiporyndardy relokatsııalaý boıynsha jumys istep jatyr. Bizdiń tizimimizde 30-dan astam elden shamamen 400 kompanııa bar. Naqty nátıje bar. Ózderińiz de bilesizder, inDriver, TikTok syndy jalpy quny 1,5 mlrd dollardan asatyn 41 kompanııa keldi. Búginde 37 kompanııamen jumys istelinip jatyr. Ázirshe qandaı kompanııalar ekenin aıta almaımyz. Jumys qorytyndysynda qosymsha aqparat usynamyz», — dedi ol BAQ ókilderiniń saýalyna oraı.
Ol atalǵan 37 kompanııanyń Qazaqstanǵa qashan aýysyp keletinin naqty aıta almaıtynyn atap ótti.
«37 kompanııanyń bári naqty keledi dep aıta almaımyn. Múmkin odan az, múmkin kóp bolar. Biraq, jyldyń sońyna deıin osy jumysty júrgizemiz. Ár kompanııamen jeke jumys júrgizilip jatqanyn da atap ótkim keledi. ıAǵnı, olardyń naqty suranysy bar. Shartty túrde aıtar bolsaq, bir kompanııa jer ýchaskesin surasa, endi biri preferentsııalar, jeńildikter jáne basqany suraıdy. 37 kompanııanyń jalpy quny shamamen - 1 mlrd dollar. Biraq, tsıfr ár ýaqytta ózgerip otyrady», — dedi Baýyrjan Qudaıbergenov.
Onyń sózine qaraǵanda, Qazaqstanǵa kóshýdi josparlap otyrǵan kásiporyndardyń ishinde óńdeý ónerkásibi, atqarattyq tehnologııalar, tsıfrlandyrý, taý-ken óndirý salalaryndaǵy kompanııalar bar.
